港鐵售票機變老虎機狂吐5毫子　網民：中咗Jackpot

【點新聞報道】港鐵站售票機變身老虎機?!有網民在社交平台表示，在旺角東站一部售票機入了一張10元紙鈔，結果售票機竟吐出一大堆5毫子，引起網民熱議。

該網民日前在社交平台threads發文表示，「港鐵買旺角東去大圍嘅飛，入咗10蚊紙幣結果找咗咁多錢。(有攞返俾客務中心)」。從其上載的相片可見，售票機的找續盤裏有一大堆5毫子，樓主雙手也捧着一堆5毫子。

帖文引起網民熱議，「老虎機中Jackpot」、「第一眼以為推銀仔」、「有冇可能，其實係你中獎？中咗三個7？」、「你sure自己唔係喺冒險樂園？」、「玩推銀機都無你咁多」、「呢度起碼有50蚊，5倍回報勁過種生機」。有網民則提醒千萬不可以貪心，「1.嗰度一定唔只10蚊，部機應該係壞咗；2.一定要拎番去，唔係當咗你偷就大檸樂（依家通處都係cam，千祈唔好博）」。

有網民分享見過類似事件發生，「我今日係其他站都見到類似情況，我只係路過，唔係好知發生乜嘢事，部機係咁跌散銀」、「之前見過個售票機jam飛（聽職員講）買一張飛出咗40張」。

港鐵回應傳媒查詢時表示，5月5日下午約2時旺角東站1部售票機的找續功能出現異常，車站職員收到乘客反映後，已即時安排工程人員跟進，其後已回復正常運作。