遭陌生男上門收數貼「欠債還錢」　港男驚見債仔竟是舊識

【點新聞報道】遇到上門追數貼街招，保持冷靜至關重要！近日一名港男發文表示，一名陌生男子「私闖民宅」，突破管理處的包圍，到其家門外貼上「欠債還錢」的街招。樓主質疑對方未查清欠債人身份便上門討債，「我真係唔明，未證實就去搞其他人屋企」。

該名男網民日前在社交平台threads發文表示，在2024年11月1日，有一名陌生男子「私闖民宅」，從其上載家門外的監控畫面可見，一名身穿藍色上衣的男子，在樓主家門外張貼了多張街招，再取出手機拍下，最後轉身離去。

樓主指該男子「突破管理處的包圍」在其家門外張貼紙張，上面寫着「欠債還錢」。然而，樓主並非欠債人，紙張上面的名字是昔日一名同學的姓名，「上面個名係以前我一個同學留我地址」。樓主質疑該男子未查清欠債人身份便上門討債，「我真係唔明，未證實就去搞其他人屋企」。

樓主批評管理處沒有把關，未有核實訪客身份，「管理處開門俾條友上，跟住話咩每日太多人核實唔到」，直指「係個正常人都唔會話放任一個成年人攞住幾張白紙貼係私人屋苑門口啦」。

帖文引起網民熱議，「貼幾張紙，其實真係好俾面。大家做嘢啫。」、「又會咁啱你屋企有裝cam嘅？」、「我就試過咁嘅情況，半夜山打電話嚟鬼殺咁嘈，俾我鬧到佢狗血淋頭」、「好多好多年前我都試過！貼到成層樓走廊都係粗口，係上手租客的債務」、「想做Ｘ保安嘅，就影佢開工瞓覺。保安當值時瞓覺好似刑事，即時收皮」。

有網民建議樓主應盡快報警，「抄低看更個名，管理層個名，同佢哋個牌嘅號碼，去警署投訴佢哋，再去警署告呢間財仔擅闖私人地方」、「個同學拎你地址當自己嘅去借錢，報警搞返佢」、「你試下打去財仔到同佢交涉話無此人兼講明會報警，同埋會投訴去放債人牌照組先」。