陳朗昇賣慘搲撈　網民揶揄「等手足眾籌」

【點新聞報道】多年來頻傳財困和裁員的黃網媒Channel C問題愈揭愈多，網站及社交平台自上月23日起停止更新。任職Channel C 多媒體製作主任（港聞）陳朗昇，近日不斷四出搲撈，日前在社交平台發文賣慘，話自己44歲生日前夕，處於半失業狀態，個人人病病哋，仲要為四出奔波。有網民留言揶揄「呃完政府錢就關門大吉，垃圾黃媒無恥至極！」、「等手足眾籌，使乜做」。

Channel C拉閘後，陳朗昇曾於網台「香港花生」節目上輕描淡寫地稱，「放住假先囉，無人工吖嘛，舊糧又未清……」，他還自嘲「我應該是第一個記協主席領取了兩次失業救濟基金，今次是第三次」。

不過，實情陳朗昇已在社交平台發帖搲撈，話「如果大家有工介紹，當然歡迎搵我如果有一啲係entry Level傳媒工作都可以搵我，好多同事都要搵工。」他日前更賣慘話自己個人病病哋，44歲生日前夕，半失業狀態，害怕失去、害怕轉變，近日都係很難說很平安喎，又提到過去10日見咗好多人傾咗好多嘢，好多晚夜麻麻仲要傾㖭。

有網民在社交平台成立一個「Channel C苦主大聯盟」，有人留言「陳朗昇真係去到邊衰到邊」、「返查記錄，發現原來Channel C嗰個陳朗昇真係地獄黑仔王，邊間公司請佢同佢有關連都好快執笠，無一倖免。出嚟講嘢又1999，寫嘢又唔掂，真係文又唔得武又唔得，人品仲公認差，冇料扮四條，想請佢嘅自己睇路啦！」