【點新聞報道】正所謂「想像很豐滿，現實很骨感」，當初一見勢色唔對，就放棄這個家，移民英國的港男，最終敗走回流香港，然而這名移英港男仍一副厭港口吻，「我知道香港都唔會係一個好地方... ...無論留低定返香港，生活都唔會容易」，其不屑的態度引來網民狠批「講到香港咁差，但最後又要死返香港」、「香港都唔想有你呢啲厭港人士返嚟！」
該名移民港男在社交平台threads發布題為「英國生存手記-完結篇」的帖文，話自己在英國生活兩年半後，決定全面撤回香港。他提到在英國生活跟想像的不一樣，「嚟到先發現根本就冇行街shopping呢回事」、「玩又冇嘢玩、買又冇嘢買、食又冇嘢好食。唔隊草日子點過？」、「住得耐英國太少運動，身體差咗好多」。
移民港男慨嘆「嚟嗰陣我覺得好似被放逐咁，到而家走啦，同樣覺得英國係唔需要我」，不過就慶幸自己仲可以選擇返港，「有時都覺得自己係幾幸運，因為我仲有屋企可以返。好難想像如果喺呢度出生，冇第二個地方揀會幾咁頹。」
移民港男以愛情比喻移英，「感覺就好似同咗一個唔太夾嘅女朋友拍拖咁，即使百萬樣嘢唔適合，但曾經嘅付出同寄望卻無比真實。睇住過往喺度投資嘅時間、金錢，一下付諸流水，我只能保持沉默，承受心裏淌血。」
回港似是唯一選擇，但移民港男卻一副嫌棄口吻，「尤其我知道香港都唔會係一個好地方，我嘅身份永遠都係二等公民，比唔上天龍人。無論留低定返香港，生活都唔會容易。 我唯一可以做嘅，就係儘量無視損失，頭也不回向前行。」最後，他更「跌落地揦返拃沙」死撐話「離開咗香港咁耐都無被人忘記，仲有咁多人期待我回歸」喎。
帖文引來網民留言狠批「講到香港咁差，但最後又要死返香港，咁其實係英國唔好定香港唔好？其實全世界咁大，英國唔啱你都唔一定要返香港㗎，香港都唔想有你呢啲厭港人士返嚟！ 你喺英國又係幾等公民？」
收藏
取消收藏
分享
