【點新聞報道】近期移英圈子出現一鼓「回流派」的聲音，有移英港人坦言已回流返港，有人直言「其實大把人5+1 之後會返hk」。有網民則揶揄「未入籍唔算回流啦」、「冇攞到身份唔叫回流，呢的叫旅居咗一段時間」。
在社交平台threads不時有人熱烈地討論回流的議題，有移英港人分享身邊有認識的人已回流，「有朋友無聲無息兩公婆辭職，然後去咗英國，去到租樓嘅，無小朋友，點知半年後就回流了！」、「最緊要自己覺得適唔適合自己，當初我一個好朋友不斷叫我快啲走啦，結果佢一年就回流」、「我真心覺得英國唔係啱所有人，身邊好多朋友畢業後返香港撈得超掂，最緊要搵到合適自己嘅生活摸式」。
有移英港人則苦苦死撐，直指「其實英國好落後，好多事情香港人用幾小時搞好嘅嘢，呢度要用幾日！稅好高，出糧又冇咗3分一，其次係冇夜生活，真係好悶！隔離鄰居全部都好早瞓，我們都迫住9點要瞓覺。」
另有移英港人認為回流並不可恥，「回流，No big deal，同離婚一樣，唔適合咪byebye囉！最少你有勇氣體驗過，要好好欣賞自己 」、「良禽擇木而棲，總之搵到啱自己生活嘅地方，住邊度都冇所謂。」
收藏
取消收藏
分享
稿件由上傳 · 文責自負 · 不代表本網立場
