（有片）女途人衝紅燈跣低攝的士底　網民批魯莽「又想累人」

【點新聞報道】銅鑼灣日前發生一宗女途人冒雨「衝紅燈」險遭的士輾過的意外，網上影片可見她當時下半身已攝入的士車頭底部，幸未有輾傷。影片引起網民熱議，「如果係貨櫃車，條女就冇咗對腳」、「短跑冠軍...」、「差點捲入車底呀小姐，睇到都嚇親」。

網上流傳一段「車cam」片段，一輛汽車於雨天晚上沿銅鑼灣軒尼詩道行駛，至波斯富街交界停於燈位前，當行人燈號轉至紅燈時，兩名行人仍然急步穿越馬路。然而，當片主啟動車輛時，再有一名女子衝過馬路。片主緊急煞停，但左側行駛的的士已經開始前進，駛入行人過路區域。女子疑因雨天路滑失足摔倒，的士見狀緊急煞車，但女子下半身已攝入的士車頭底部。

幸好從片段來看，女子傷勢無大礙，很快站起來與司機溝通。片主無奈地感嘆：「嗰條粗心大意嘅公路，仲有嗰個濕滑嘅司機」。不少網民看過影片後，都批評該女途人魯莽，「條女紅燈咗先出嚟，又想累人」、「條女好好彩冇碌過，買個教訓」、「好彩人無事。不過唔會成日咁好彩」、「好彩路面夠濕，唔係就輾過去啦」等。

警方表示，周六（26日）晚上9時38分接獲報案，指銅鑼灣軒尼詩道及波斯富街交界，一名持雙程證的31歲姓曹女子在交通意外中受傷，她的手及大腿受傷，毋須送院治理。據初步調查，女子未被的士撞到，惟在跣低時受傷。