【點新聞報道】做人老竇老母，就知家長嘅辛酸！近日有網民在社交平台上分享一張照片，可見有兩名男女家長各自坐在嬰兒手推車上歇息，這一幕令樓主深感共鳴，直言「嗰種攰係不言而喻」，強調並無批判之意，甚至表示「勁想join（加入）」。
該名網民日前在社交平台threads以「養兒100長憂99」為題發文，表示在西沙GO PARK公園拍下這對家長，從其分享的照片可見兩名男女家長各自坐在嬰兒手推車上歇息，場面十分搞笑。同樣身為家長的樓主表示，「嗰種攰係不言而喻」，強調自己無意批判，「零批判，勁想join」。同時，樓主亦好奇手推車的牌子，又驚嘆其耐重性能，「究竟咩牌子嘅手推車有咁好嘅承重量？」
帖文吸引不少深同感受的家長留言，「感受到個阿爸呢一刻嘅少少放鬆，血壓降低，心跳減速嘅舒服… 自問唔敢坐…」、「改個背景做沙灘，感覺好chill～」、「湊仔真心攰，係體力同精神嘅攰」、「的確陪小朋友玩係非常攰嘅一件事」、「可以坐低已經係無咁攰嘅時候，歲幾2歲去公園係要做保鏢咁跟住，生仔諗清楚，生多個都要諗清諗楚」。
另外，原來有不少家長都有坐過子女的BB車，「我都成日坐，湊仔真係最攰嘅工作，無之一」、「我成日等個女玩時冇位坐會坐佢架車」、「我都成日坐我架BB車個喎，買嗰陣時就知道大人都坐到！」、「我成日都坐阿女架combi㗎，主題樂園指定動作」、「10年前我已經咁坐，其實BB車好硬淨㗎」、「當年1個媽抱兩個b坐上去都得 」。
收藏
取消收藏
分享
