【點新聞報道】英國移民圈子笑話多，近日有移英港人提出英國生活成本比香港低得多，話基本上窮人一到英國，生活就會得改善。結果惹嚟一眾網民譏笑，「bno visa唔需要錢？？is it a joke?」、「窮移無錢無技能，英語能力低啲係生活唔到落去先啱，窮移嚟到英國生活更困境就真」。
有移英港人在社交平台threads大發「偉論」，話「窮人係應該移民，但其實窮人係移唔到民」，指「主流國家所有Visa，一係要有錢一係要有技術，窮人好難擁有。BNO Visa真係機會難得，又唔需要錢又唔需要技術，基本上窮人一到英國，生活就會得改善。」樓主更斷言，「如果你移民英國後生活變差，老實講我好羨慕你。一直以嚟喺香港，你係過緊比我好幾多百倍嘅生活。」
帖文惹嚟一眾網民譏笑，「移民到英國，正式入籍前，基本上不會得到任何補貼，衣食住行全靠自己，如果你係經濟唔好，如何生活？點解會比在香港更好。英國嘅生活成本比香港高啊！」
有網民質疑「香港窮人點一到英國就改善生活」，並更列舉多項移英支出打臉，「visa首先5皮之後，窮L點租到樓upfront 6-12months加deposit仲有bills、council tax唔好話生活一日三餐同車費，窮人係唔會有閒錢比到以上呢筆費用，定係買張機票一到英國做homeless真係改變生活」。
有網民揶揄樓主「諗多咗，喺香港過得唔好，出去外國基本上唔會過得更好」、「visa、nhs，之後考試入籍都唔平，英國生活成本高過香港，稅又重，只能話移民visa門檻比其他visa低，如果係窮人一開始要拎幾萬蚊出黎申請visa都拎唔到」。
有網民直指樓主的說法不合理，「喺英國所有嘢都要靠自己無任何benefits，攪Visa IHS買車買樓/租樓樣樣都係錢行先，窮移無錢無技能，英語能力低啲係生活唔到落去先啱，窮移嚟到英國生活更困境就真，窮移回流合理過窮人移民改善生活吧」。
收藏
取消收藏
分享
