中年好聲音3｜曹越《活色生香》性感奔放　林子祥：真係上曬身

【點新聞報道】《中年好聲音3》本周日晚播出的一集，邀來音樂女神海兒及林子祥（阿Lam）擔任嘉賓評審，見證12強晉身10強淘汰賽事。

本回合主題是「林子祥金曲之夜」，12位參賽者自行揀選林子祥歌曲參賽。本輪共有6位參賽者獲得9字頭亮麗成績，其中有人勇奪99分近乎完美分數，繼《中年2》冠軍古淖文後再次開出天花板分數，網絡盛傳是「女大魔王」黃博。另外今集有一個非魔王級的參賽者，竟然將幾個魔王級參賽者通通擊倒。

本輪多個演出同為耀眼，當中曹越可謂才藝大曬冷，穿着大露背裝、口咬玫瑰花登場，並邊跳flamenco dance（佛蘭明高舞）邊獻唱《活色生香》，演出令人眼前一亮。阿Lam對於曹越的演出大讚：「真係上曬身，好落力，又跳又唱，我唱呢隻歌都唔會做到咁樣。」張佳添則認為曹越表現未夠放：「你把聲線未夠sexy，硬咗少少。」肥媽聞言即幫忙「解畫」：「佢哋講嘅你未必明，我講你就會好明，你唱呢隻歌唔夠姣，你兩個麻甩佬就係想講呢個意思咋嘛！」海兒表示認同後，隨即被肥媽叫示範。

而向來有唱功、有台型的趙浚承，獻唱《最愛是誰》自設吹口哨環節，不但遭原唱阿Lam點評好大膽，還直指「呢隻歌未必啱你」；張佳添亦批其「口哨演奏」令這個氣氛被破壞。

（點新聞特約記者陳惠芳報道）