【點新聞報道】一連四場的《Coldplay：Music Of The Spheres World Tour》演唱會，昨晚（8日）假啟德體育園舉行，女團COLLAR成員邱彥筒（Marf）擔任暖場嘉賓，表現不但獲Coldpay主音大讚「Amazing」，網上亦一片好評。林芊妤（Coffee）更在社交平台大讚她為港増光。
原來大會公布由Marf擔任暖場嘉賓時，有聲音曾批評Marf未夠班，或覺得「點解會係佢」、「點解唔搵其他歌手」等等，幸好Marf不被負評撃倒，精彩跳唱就連海外的Coldplay迷都有讚她。她的社交平台followers一夜間亦暴增。據悉，Coldplay過往到海外巡演時，都有邀請當地具潛力的年輕女歌手作開場表演，香港站亦不例外。主辦方Live Nation早前向Coldplay提供了一份精選名單，當中包括Marf、COLLAR其他成員、陳蕾、陳凱詠（Jace）、梁嘉茵（Serrini）等30多位女歌手，而Coldplay最終看過每位歌手的演出片段後，親自點名揀選Marf。Marf更與Coldplay主音Chris Martin及歌手Elyanna合唱《We Pray》，表現毫不怯場。
Marf前年曾在澳洲小天王Ruel的香港演唱會擔任嘉賓，與對方合唱英文歌《Someone Else’s Problem》，表現搶眼。有指大會今次將該片段提供給Coldplay參考，結果成功打動對方，認為Marf唱英文歌表現自然，聲線亦具個性，最終親自拍板由她任暖場歌手，為演唱會揭開序幕。
林芊妤（Coffee）亦有在社交平台撰文撐Marf，形容她好叻女，「一巴一巴大大力咁冚熄啲負評」。Coffee指：「香港人應該支持香港人，尤其係有才華嘅年輕人，因為佢哋正在好努力地為香港爭光。」她說最初公布暖場嘉賓消息時，見到外面有很多負評，她已經想「啲人使唔使咁mean？」
Coffee續說：「直至琴晚開始睇到好多Marf唱《We Pray》嘅表演片段，真係起晒雞皮同埋由心入邊感動出嚟～無論係肢體動作唱歌跳舞同壓台感都好好睇，一個22歲嘅女仔要壓得住個場一啲都唔簡單，仲要喺之前咁多負評同時咁大個場咁大壓力之下，背後付出咗嘅努力唔會有人知道有幾多，佢今次真係一巴一巴大大力咁冚熄啲負評，叻女！」
Coffee表示幾年前睇《全民造星IV》時，她與老公已異口同聲覺得這個女仔好有魅力，希望她能繼續發光發亮、為港爭光，她說自己星期五也將去睇Coldplay，十分期待。
（點新聞特約記者陳惠芳報道）
收藏
取消收藏
分享
