【點新聞報道】「鄭伊健真心同盟國際歌迷會」成立33周年，日前以「久別重逢」為主題舉行聚會，延開25席，招待約300位來自內地、香港、台灣、日本、韓國和新加坡等各地fans，非常熱鬧。
相隔8年再辦歌迷聚會，伊健表現緊張，更化身導演兼司儀，親自安排表演項目。除了邀請音樂監製陳光榮、歌手朱雋言和圈外好友Percy ，組成期間限定band表演，還有陳光榮兒子Aiden演奏大提琴打頭陣。Fans就以這30幾年來，跟伊健經歷的片段剪輯成MV回禮。伊健看後非常感動，一度講不出話，強忍淚水。他說：「30幾年，有啲朋友喺度，有啲移咗民，有啲朋友⋯⋯大家身體健康！」
台上表演由伊健安排，現場就由fans悉心布置，重現電影《久別重逢》場景劇照，讓fans代入女主角與偶像合照，還有歌迷會舊會的剪報。最特別是每位fans的座上，都擺放一盒伊健出道拍廣告的檸檬茶，而且是當年的復刻版包裝，令人驚喜。
首先由Aiden出場演奏大提琴，然後伊健出場問台下：「其實Fan Club成立咗幾耐？（30幾年）30幾年咩？多謝大家，原來我哋已經30幾年偶像與fans嘅關係。」他邀請陳光榮出場說：「大家記唔記得上次Fan Club party幾時？（2017年）當時我哋着咩衫表演？（校服）幾年前我哋仲可以着校服，依家就……」
然後伊健一連唱了幾首歌，氣氛高漲。演唱《Stronger》前，他說：「疫情期間好蕭條，要戴口罩出街，有好多嘢唔做得，嗰時我拍咗個廣告，首歌由陳光榮寫，我好鍾意份歌詞，鼓勵大家喺低潮時唔好咁易放棄！」之後與fans影合照和抽獎，送出簽名藍牙喇叭和海報。活動尾聲，fans意猶未盡大叫encore，全場大合唱《Together》。
此外，伊健又公布好消息說：「以前香港唔太重視電影音樂，直至陳光榮出現，好多電影音樂都係來自陳光榮。依家好多電子嘢，撳個掣就聽到，好少人會做隻碟留個回憶，佢就係做緊呢件事。今次仲會出黑膠碟，留住佢，呢個就係我哋嘅回憶。」
（點新聞特約記者陳惠芳報道）
收藏
取消收藏
分享
