【點新聞報道】藝人鄧小巧本周末（5日及6日）將在旺角麥花臣場館舉行兩場個人專場音樂會《I'm here Live 2025》。繼《神愛世人》後，日前鄧小巧推出又一治癒作品《其實痛是你的想像》。
一如以往，歌詞由小巧親自主理，以「人」的角度詮釋「痛」：「我碌IG嘅時候，見到一個心靈post，話人生入面其實99%嘅痛都係來自你嘅價值觀，然後你身體嘅痛先至係真正無可避免嘅痛。我個Verse嘅來源就係南宋一個僧人慧開禪師，佢寫嘅一首『春有百花秋有月 夏有涼風冬有雪 若無閒事掛心頭 便是人間好時節』嘅詩，我覺得人活得越耐，越過得平平安安、冇咩特別嘢發生、人生冇乜起伏，就係一個好值得感恩嘅事情。」
即將開show，小巧表示心情平靜，又笑言：「努力打筋鬥，努力瞓覺，努力去令自己嘅狀態最好。」六年冇開show，問到小巧有否預備驚喜給歌迷，她立即「自爆」：「我都唔知大家覺得嘅驚喜係乜嘢，側手翻？講咗仲算唔算係驚喜？哈哈。」
（點新聞特約記者陳惠芳報道）
相關報道：
收藏
取消收藏
分享
