【點新聞報道】食口水尾？近日尖沙咀一間意大利雪糕店的店員，被網民拍下「每個味都剷一次然後逐個匙舔」的情況，影片在網上瘋傳。店家事後道歉解釋，稱該員工「係收店前洗雪糕匙前咁做」，該店已進行徹底消毒及清潔，並向涉事員工發警告信。
有網民上周五在社交平台threads上載一段短片，指尖沙咀K11 Musea的意大利雪糕（Gelato）專門店「Dood Bottega Gelateria」一位店員，在工作過程中「每個味都剷一次然後逐個匙舔」。片段中清楚可見，店員將用來挖雪糕的勺子放進嘴巴舔食。
樓主在留言區補充指，於當晚目擊事件，「個陣大概9:30pm ,我地食完飯諗住落去買牛角包咋，見佢收咗鋪就去買嘢飲就途經呢間舖喇」、「我哋企係喺度10分鐘已經見到佢至少舔咗5款味」。有網民問：「你係咪真係睇到佢無換匙？如果每款用一隻新匙食用，同平時出面試雪糕一樣？」樓主回覆指「至弊佢奶枝匙係平時用嚟挖雪糕㗎。」
樓主其後將有關影片傳給店家，店家回覆表示「深感抱歉，現向所有曾觀看這影片而感覺不安嘅網友致歉」。該店已立即回店進行徹底消毒和清潔，並對向涉事店員發警告信，而在查看店內CCTV後，「呢位同事係收店前洗雪糕匙前咁做」。
店家表示，「其實每晚洗淨雪糕匙後都會用100%酒精消毒抹乾淨再入雪櫃第二天早上再消毒一次備用」，「不用擔心任何食安和衞生問題，所有設備和器具，使用前必用100%酒精消毒」。最後，店家保證以後不會發生呢種令人不安嘅問題，並「為此再次致萬二分嘅歉意，對唔住。」
樓主則認為「其實換過曬啲器具就最好」。影片引起網民熱議，「全香港最貴GELATO 唔係無原因」、「呀婆口水鳳爪gelato版」、「是咪員工福利嚟？」、「個啊姐真係搞唔掂，普通衞生都無，希望真係直接炒咗佢/處分佢」、「上次係同一個店員裝gelato比我...」、「200分不安，更不安嘅係店家嘅回覆」、「食物俾人舔過晒，係嚴重業務過失」、「頭先經過見到呢個呀姐，仲寫住衞生原因不設試味」、「好驚，我唔敢再食佢了」、「就算會每日洗，都唔係用挖雪糕用具嚟試食…點都用匙羹食吧？」、「痴線，淨係講會消毒雪糕匙，咁有無掉啲雪糕先？」。
收藏
取消收藏
分享
