【點新聞報道】不少港人去日本最喜歡夾公仔同扭蛋，惟近日有網民轉發一間日本商舖的帖文，指發現有人使用港幣5毫子，充當100日圓投入扭蛋機，兩者價值相差至少10倍，造成1500日圓的損失，不少網民都鬧爆「影衰香港人」。
有網民在社交平台threads發文表示，一間位於德島嘅博物館發現有人用香港5毫子硬幣，當成100日圓入落扭蛋機，令到該店損失1500日圓。樓主轉發的是「道の駅大歩危.妖怪屋敷と石の博物館」26日在twitter的帖文，指有人使用港幣5毫子，充當100日圓投入扭蛋機，共發現了15個港幣5毫子，合共損失了1500日圓。因此，發文警告其他有扭蛋機的商舖小心。
不少網民都鬧爆，「影衰香港人」、「用得五毫子，九成都係香港人啦」，「專登帶咁多散銀去扭蛋都幾賤格」、「我諗冇人會唔覺意帶咁多神沙去旅行，嗰個人一定係早有計劃勁差」、「咩人都好，做啲咁嘅嘢，比人捉到真係好羞家。」
有網民就表示早有所聞，「廿幾年前已經有」、「好耐前有聽過朋友攞一堆去機舖當一百Yen用，聽到後就無再來往」、「唔係講笑，之前同90後既朋友去完旅行，發現香港人真係有可能咁做，利申已絕交」。
收藏
取消收藏
分享
