【點新聞報道】香港電影工作者總會昨日（22日）舉行2025年度春茗晚宴，會長古天樂攜同田啟文、蘇玉華、張繼聰、謝安琪、衛詩雅及周家怡等一眾演員出席。對於業界今年迎來的寒冬，以及劉青雲減片酬拍戲，古天樂直言除努力尋覓出路，代表行業與政府磋商外，演員減片酬更是一定要減，才可共渡難關。
古天樂對於業界前景，他說：「我哋總會拍電影計劃已經進行兩年，今年開始更改名叫『拍住上』，希望大家喺經濟環境唔好嘅情形下，可以拍住上、堅持自己嘅崗位！為香港電影繼續發光發亮！」他指總會拍電影計劃原定在兩年內拍攝八部作品，目前已完成四部，包括即將上映的《不赦之罪》與《惡人當道》，至於「拍住上」計劃目標，古天樂表示：「可能數量上會有調整，但暫時都會繼續拍落去。預算會否調高調低，其實依家嘅預算都好緊絀，不過我哋有個新講法，會用更低嘅價錢去拍新戲，不過係我同其他業界、同事去傾緊，唔係總會拍電影嘅範圍。」
古天樂坦言年初市度較淡靜，電影開鏡數量亦明顯減少，需要時間才能復甦，至於與政府方面磋商振興影業前路，古天樂表示：「暫時未同政府傾，但兩個禮拜後就會傾，會向政府表達娛樂圈面對嘅問題，希望會幫我哋。」日前《爸爸》監製透露劉青雲主動為演出減少片酬，古天樂表示支持以外、提出努力撲水：「其實減片酬就一定㗎喇！其實唔駛呼籲，都開唔到工，你肯減都未必拍到，所以鼓勵想入行嘅人勇敢創新，我亦都希望為佢哋跑到資金返嚟拍！」
此外，古天樂曾與鄭中基多次合作拍片，對鄭中基近日離婚傳聞，他則表示未有主動打聽：「人哋家事我盡量少八卦，但希望唔係啦吓！」
至於電影工作者總會會長特邀執委暨發言人田啟文，談到影業寒冬時，他嘆指：「我改咗口係冰河，已經諗緊方法將陽光帶返入冰河時期，我估起碼要過埋今年啦，希望出年可以有轉機。」田啟文亦希望協調業界各持份者推進發展、尋覓出路。至於今年香港電影開鏡數目，田啟文透露：「暫時去到上半年，應該唔夠十隻手指！一定唔夠！希望後面可以有轉機。」他提出電影業目前面對的兩大難題，顯然對箇中因果關係感到矛盾：「有兩個頭痛問題：開工不足係嚴重嘅；又因為咁影響某啲崗位員工提出要加人工，佢哋提出八年冇加過人工嘅理據，全部都對市場造成困擾。」
（點新聞特約記者陳惠芳報道）
相關報道：
收藏
取消收藏
分享
