【點新聞報道】隨處便溺不但影響市容亦引起衞生問題，近日有女網民稱在大埔街頭目擊一名的士司機在路邊大便，「我一眼見到佢落車除褲… 我見到佢屙完屎走去食早餐再上的士再食煙，一條龍…」。樓主指，其實唔使一分鐘車程已經有一個公廁，狠評對方無公德心，表明已作舉報。
該名女網民在fb群組「的士司機資訊網 Taxi」發文公審稱，「的士司機公然喺優景里大便，一定報1823，其實唔使一分鐘車程已經有一個公廁」。從其上載的兩張照片可見，一張拍下對方的士車牌，另一張則是路邊枯葉間的疑似人類排泄物，旁邊有紙巾覆蓋着，附近還有幾十隻烏蠅。
樓主憶述當時在對面馬路目擊對方落車除褲，「咁我梗係望住佢做咩啦，俾你都望啦」，「佢第一下除褲，我以為佢屙尿㗎咋，點知第二下踎低喎⋯⋯仲唔即刻舉機影低…」，「我見到佢屙完屎走去食早餐再上的士再食煙，一條龍…」。
樓主直斥對方無公德心，「佢完事冇清潔就係無公德心」、「唔好為缺公德嘅行為搵藉口啦」，「搵張報紙廢紙或者膠袋，接着包好再放落垃圾桶，D清潔工真係慘」。樓主後來回程特登過對面影相，表明已作出舉報「已經send咗，一定要食環發$3000告票俾呢個人渣」。
帖文引起網民熱議，有網民替的士司機說話，「真係急起上嚟，唔可以用普通正常人嘅身體狀況感覺去比較」、「體諒吓，入公廁痾篤尿咁短時間都俾長官票控甚至被爆車偷銀頭，如果屙屎嘅話就分分鐘勾埋架車」、「瀬屎邊仲可以忍1分鐘？邊個唔想去公廁，一係瀬一係好似佢咁，你話勒？」。有網民更質疑樓主並無人贓並獲，「你唔影住佢屙，人哋話係你屙屈人啦」、「應該佢屙緊果時拍影片」。樓主回應時強調可以翻查閉路電視，「咁睇吓囉，附近大把CCTV」。
惟不少網民認為職業司機都應遵守法例，「乜年代仲有人係街如廁...」、「講埋啲嘢都多餘 急就代表可以喺街屙㗎喇咩」、「當你真係急得咁緊要，瀨完屎唔識清理返佢嘅咩！人嚟㗎嘛，當自己係狗呀」。
收藏
取消收藏
分享
