【點新聞報道】不少移英港人絞盡腦汁賺同路人錢，趁臨近清明節就推出代燒代祭服務，不過就講到明並非到墓前代祭，而且收費以英鎊計。有移英港人留言嘲諷「有創意，不過得啖笑」、「同我喺後花園燒有咩分別」。
有一個名為「英國黑白壽紙」專頁，近日在移英港人群組催谷生意，指可以提供「清明代燒先人衣包、歷代祖先衣包」，服務內容為：先人/歷代祖先衣包內有齊元寶、冥錢、七言咒、往生錢等全套衣紙和男/女衣包，特別加有路票；另配有燒味飯盒一個，可樂一罐，畀先人/祖先享用，非坊間代燒衣包，亦有代祭服務，之不過，就註明不是到墓前代祭，係當天請祖先，會先拜土地。
至於收費方面，基本小衣包連祭品26鎊一份、加大衣包連祭品30鎊一份，強調化寶均會拍照發回善信紀錄。有移英港人就質疑「喺英國代燒？定係喺香港？」，店方回應「香港代燒」，仲話鍾意可以幫襯買埋紙料畀人喎。
不少移英港人留言揶揄，「點樣確保先人收到？係唔係會簽收定影幅相？」、「有創意，不過得啖笑」、「同我喺後花園燒有咩分別」、「如果真要代，點解唔幫襯香港？」「喺英國就唔好搞這些」、「Superstitious(迷信)」。
收藏
取消收藏
分享
