【點新聞報道】近日，有港女在網上發帖，話日前在搭乘港鐵東鐵綫時，遇陌生男人持續性搭訕騷擾。男子詢問「可唔可以做朋友」，被她拒絕。豈料男子竟跟着樓主，「我（樓主）等車又行道勁埋，行去另一個上車位都繼續跟住望實我」。
在束手無策之時，一名港鐵的女職員主動出手相助，陪同該名女子等車。用手護住事主一直望住那個男人。事主十分感動，便手寫了一封感謝信表揚該名港鐵女職員。樓主稱「想高度讚揚呢個女職員，佢工作緊都留意到我困惑，主動走嚟保護我，好人好事，一句問候拯救咗我今日一天嘅好心情！」、男子被「嚇到彈咗勁遠！」
帖文引來網民熱議，網民都紛紛激讚女職員盡職盡責，「呢位員工絕對有可能成功阻止一件不幸事情嘅發生」、「這位職員好盡責，做到一眼關七」、「月台有CCTV mom住，希望有關部門上報此組工作人員嘉許」、「呢位女職員一定係人美心善」、「呢個真係超級值得表揚！完全係守護天使」。
收藏
取消收藏
分享
