【點新聞報道】「大埔名物」臭屁蟲又登場喇！有大埔街坊曬出一張相片，可見黑色衣物上黏附着多顆青色蟲卵，驟眼以為是「青提」，樓主驚呼「着咗先發現，被啲提子嚇死」。
該名大埔女街坊日前於fb群組「大埔TAI PO」貼出相片後，補充指「應該唔係好耐，仲係好細粒，黐得好實」。帖文引來不少網民熱議，有街坊分享同類經歷，「我試過放工返到屋企換衫先至見到」、「咁快又開始有」、「我前兩日已經發現咗！」。
由於蟲卵一般是「14粒」排列，但數來數去卻只有13粒，不少網民提醒樓主要盡快找回，「唔啱數」、「差咗一粒」、「未齊人」、「好似異型，唔見左粒好大鑊」、「差咁粒喎，睇下個身度有冇」、「去沖涼換曬衫先啦，隨時會黏喺身」、「快啲搵返嗰一粒！」。
樓主回應表示，「都唔知仲有1粒跌咗喺邊」、「唔知啊，好驚啊」。
收藏
取消收藏
分享
