天水圍輕鐵站驚見山羊食草　網民：呢班羊仔似走失

【點新聞報道】「羊咩咩」出沒！有網民在天水圍的輕鐵站等車時，看見有三隻山羊在一旁吃草，直指「我住咗天水圍20年，第一次係輕鐵站隔籬見到」。不少網民均感到非常新奇，「原來香港有羊」、「羊生羊太」、「咩~咩~咩咩」、「好得意」。

該名網民在社交平台threads發文表示，日前在天水圍的輕鐵站等車時，看見前方有一團會郁動的物體，行近發現原來是三隻山羊正在吃草，「本身見到前面有隻野郁下郁下，驚到傻咗，我住咗天水圍20年，第一次係輕鐵站隔籬見到羊咩咩，Ｘ佢仲要食緊草」。從其上載的影片可見，現場為天水圍一個輕鐵站的電箱旁，有一隻白色山羊在吃草，另外還有兩隻黑色的山羊，樓主還「咩咩」兩聲，嘗試同牠們溝通。

影片引起網民熱議，有街坊亦show出遇到羊群的照片，「呢班羊仔似走失，前一日喺輞井見到成群結隊食草，今日喺天澤都見到佢哋」、「（錦上路）我呢度仲多」。

有眼尖的網民發現三隻山羊有頸圈，「三隻都有頸圈有人養？」、「以前見過天水圍同朗屏中間有人養羊」、「走失咗唔出奇」、「元屯天真係正」、「我都有見過係我屋企後面，屏山嗰邊」、「以前係天恆後山見過，可能係嗰邊走失咗」、「佢地平時輞井村出沒，可能落雨走失咗」。