【點新聞報道】的士服務質素一直為人詬病，有網民在網上發布影片，顯示有的士司機在行駛期間，竟「戙高腳」揸車兼不停吐痰，更沒有依例展示的士司機證證件。影片引起網民熱議，不少人指責的士司機的行為危險，應盡快舉報。
有網民在社交平台threads發文分享日前乘搭的士的恐怖經歷，「今日坐的士，個的士司機全程棟(戙)高隻腳揸車…坐咗20分鐘車，至少向外吐痰吐咗10次…仲要冇駕駛執照…真係cXs…」。樓主又指司機找續時，居然找了二十蚊毫子，「落車嘅時候，佢找返我$20。佢夠膽死找啲神沙畀我」。樓主及後表示已作出投訴，「已經投訴咗啦， send埋片send埋相畀佢」。
從事主上載的影片可見，的士司機駕駛期間，赤腳踩上檔把處，左手放在膝上不時揮動着，而的士咪錶左面的儀錶板上，並沒有展示的士司機證證件。
影片引起網民熱議，指責的士司機的行為危險，「點解可以咁揸車」、「其實最驚係佢隻左腳，唔準備踩break，touch wood有咩事就慘了」、「得返一隻腳踩又點會安全」、「如果影到吐痰，咁有機會罰錢？」「真係影衰哂」、「毫子唔可以超過$2㗎 」。有網民則認為的士司機已觸犯法例，「點解好似左邊冇司機資料？」、「叫佢show返個司機證出嚟，好似犯法㗎喎」、「落車影車牌再1823舉報佢」。
有網民分享類似經歷，「唔知係咪我搭過果個。我果次仲要凌晨出機場，全程棟高隻腳，時快時慢，嚇到傻」、「試過有次又係冇司機證，副駕位放住個背囊，我坐落去佢叫我幫佢拎住，話唔想放落地」。
收藏
取消收藏
分享
