楊丞琳相隔7年在港開騷　約定樂迷「老Best」5·4見

【點新聞報道】闊別七年，楊丞琳（Rainie）今日（16日）於又一城舉行《楊丞琳「LIKE A STAR」世界巡迴演唱會香港站》記者會，宣布將於5月4日在香港亞洲國際博覽館舉行個唱，吸引大批粉絲到場打氣。

楊丞琳久未在港舉行個唱，香港樂迷一早「收到風」就在網上熱烈討論，今日更大清早來到商場等候，拿起「香港粉絲支持你 世一 Rainie」的Banner應援。商場二、三樓都企滿粉絲大叫「楊丞琳」。Rainie以露腰性感tee亮相，又多次拉開毛毛披肩，大騷「馬甲線」纖腰，氹得粉絲好開心，而且更全程用廣東話對答：「我今天真係很興奮，還有點緊張，因為好耐冇同大家見面，同埋好耐冇講廣東話！我學了一句『老Best』去形容好友，Fans們都是我的『老Best』，約定你哋5月4日見！」

不過Rainie不斷嫌自己廣東話差：「我廣東話真係退步好多，我嬲嬲豬啊！」她笑言懷疑「嬲嬲豬」一詞是否仍適合自己，因為已經40歲。

Rainie七年沒在香港舉行個唱，她表示很掛住Fans，自曝這次個唱會演唱廣東歌，以答謝Fans多年支持：「我愛你哋呀！從你哋嘅聲音可以聽到你哋真的很掛念我，聲音有點慘、有些走走的音。」她表示來港開演唱會，想把握機會見好友阿Sa，笑指二人上次只有1小時見面。

（點新聞特約記者陳惠芳報道）