移英前女友霸公屋放租　港男擬舉報濫用公屋

【點新聞報道】有公屋租戶移民後，一直保留公屋作後路。有港男日前在網上發文表示，「知道前前前前度女友移英後keep住間公屋放租」，遂打算「大義滅親」舉報對方，強調「犯法舉報好正常」。

樓主早前在fb群組「公屋討論區 - 香港facebook群組」發文，表示前度女友雖已移民英國，但仍保留公屋單位放租賺錢，於是想問網民「有冇得舉報㗎？」。不過，樓主表示「淨係知電話同英文名，中文名同地址不詳」，引來網民質疑其男朋友身份。

樓主在留言區解釋，該女子實其是「前前前女友」，地址不詳是因為只係新居入伙去過一次，「成6/7年前嘅，點會記住」、「太耐啦」。至於中文名不詳，則是因為太耐忘記咗正字，只記得讀音「我知全名點讀，但同音多字呀嘛」；又表明「淨係知逸東邨」。

有網民質疑整件事只是樓主的推測，「成你肯定ex真係住公屋？，你肯定間公屋有加佢名？成件事靠估咋喎」，樓主回應稱「肯定，佢一人單位，我上過去」，並強調「犯法舉報好正常啫」。有網民就認為可以一試，「我覺得可以去房署試下」、「有電話就一定查到係邊個，睇房署肯唔肯查」、「其實將佢電話號碼交俾房署已經查到，只要你系實名舉報就可以，希望你成功」。

不過，也有不少網民調侃樓主，「你好等錢使」、「明顯被飛」、「因X成恨？」、「乜你咁Q衰㗎，識着你真係冇運行!好彩係Ex」、「果然愛嘅反面係恨」、「反轉豬肚就係屎」、「睇你都係只為報仇」、「祝你攞到$3000去慶祝」等。