【點新聞報道】「終於見識到黑的」！有的士司機在社交平台發文指，早前在中環花園道的士站等客，當時排在第2位，見有班外國人向排首位行家問完價，行家就駛走，外國人之後再向樓主詢問「上山頂呀嘛？睇錶呀嘛？」，樓主回答「上到」，他們上車後表示原來前面行家開價350元上山頂。
該名的士司機在社交平台threads上載2條相關「車cam」影片，寫道：「排緊花園道纜車的士站第2個有班外國人係前面第1架問完價，架車走咗，外國人行咗過嚟我果架到問」。其中1條「車cam片」顯示3月4日下午1時許，樓主當時在的士站排第2位，見有3名外國人詢問前面行家，隨後2名華裔女子加入，之後行家駛走。之後樓主將車駛前，其中1名華裔女子用廣東話詢問「上山頂呀嘛？睇錶呀嘛？」，樓主回答「上到，4個」，之後便接載外國人。
另1條「車cam片」相信外國人已上車，女乘客用英語告訴樓主指「另一個人說350元」。樓主聞言大感驚訝，在帖文憶述「佢哋上咗車之後話前面果架開價3百幾上山頂」，直言「終於見識到黑的」。
不少網民留言指「業界需要多啲你呢種專業嘅司機」、「個司機脫晒節 google map有估計車資」、「好彩佢哋有啲common sense」、「見到車牌，報警拉人啦」、「有時影到車牌都未必有用，佢可能係幻影車嚟㗎」。
收藏
分享
稿件由上傳 · 文責自負 · 不代表本網立場
