【點新聞報道】近日，有港女在網上發文分享乘搭巴士時遇大叔用手機「大大聲睇劇」，多名乘客相繼勸阻，反遭辱罵「熄咩熄，你咁無禮貌」、「嘈喧巴閉」。港女無奈呻「依家香港真係禮樂崩壞」，她指阿叔手機聲量「大聲到全車人都係咁向後望，睇下係邊個咁無公德心」。
帖文引來網民熱議，許多網民留言稱也曾遇到類似的困擾，「晨早返工想喺車休息下都唔得，附近仲有啲人開喇叭播片，最憎就係罐頭聲效，刺耳到呢，你啤住佢都唔會收斂個下先好嘢」、「而家啲小學生都係咁，開到大大聲睇抖音」、「應該巴士不准人用揚聲器聽歌看影片，好騷擾，有啲人做咗成日嘢，想休息吓都唔得」、「公共場所無耳機，根本就唔可以開speaker嚟聽&睇片」。
許多網民留言提供各種反擊方法。有網民建議以其人之道，還治其人之身，「開大聲大悲咒超度佢」，亦有網民說「佢仲以為原來大家都播咁我大聲啲，太暗示了不懂，要開口」。還有網民推薦其他方法，「早排試過Threads學返嚟嘅神招，佢越大聲你就哄到佢越埋，埋到佢尷就自然會收皮」、「有一次遇到一個野蠻阿伯唔肯熄！我立即走落下層同車長講，車長即刻停車，叫樓上嗰位阿伯熄咗佢先至肯開車！最後阿伯梗係冇得唔熄啦！」。
收藏
取消收藏
分享
稿件由上傳 · 文責自負 · 不代表本網立場
