【點新聞報道】結婚是人生大事，但近日有新人在網上發「千字文」控訴，指早前光顧一間婚紗攝影公司後，婚禮前一日，公司突然致電表示撞期，故取消原定拍攝，更只肯賠償一半金額，令新人大失預算，「絕對係惡夢！」。帖文引起關注，不少網民看後均指責攝影公司毫無責任心，斥簡直是「婚禮界垃圾」！
女事主周二（11日）在社交平台threads發文，點名怒轟一間婚禮攝影公司，指在婚禮前一日突然收到婚攝公司通知「double book（雙重預約）」，希望取消預約；又向她表示，「另一pair難攪，所以焗我要讓步」。女事主直言，「我哋千辛萬苦先搵到攝影師頂替，對新人嚟講絕對係惡夢；心善得到唔同人出手，我哋婚禮亦可以非常順利同開心氣氛下完成。」
女事主又表示，在婚禮正日，看到婚攝公司發帖，稱為一對新人拍攝「順利完成」，女事主形容是「二次傷害」，皆因突然發生的事故令她非常生氣，「你就順利完成，我就big day前一日食唔安坐唔落；生意你可能有好多，但我地big day只有一個，我地冷靜但絕對唔等於原諒!!!」。
其後，女事主要求全額約1.8萬港元賠償，但攝影公司卻討價還價，只肯賠償一半，「我哋無奈接受，但唔等於認同你既失職失德，都唔等於要接受你嘅二次傷害」。更甚的是，該婚攝公司還提出免費替她拍攝家庭照，但女事主卻指，「信任掏空同時你仲好意思叫我搵你影家庭照?」
事件在網上公開後，婚攝公司於官方社交平台發表逾600字道歉聲明，表示因工作上的疏漏，為客人的婚禮帶來不必要的困擾與失望，對此深感抱歉，又承諾將加強內部管理，確保類似問題不再發生。同時，又承認客人要求額外賠償港幣18,000元，最終自己提出以全單金額的一半，即港幣9,300元作為賠償。
帖文引起關注，網民一面倒支持事主，紛紛指責該婚攝公司做法簡直是「無恥到極」、「婚禮界垃圾」，指「自己黎唔到都係賠一半，呢間嘢勁」、「Double book唔係賠唔賠錢既問題啦，有膊頭既人至少即刻幫你地搵其他攝影師啦，賠錢仲要淨係賠一半，真係蝦到你哋上心口喎」、「點解婚禮界咁多咁不負責任嘅人！ 真心冇呢份使命感唔好出嚟害人！將人生大事交俾佢哋但完全唔上心！」、「講到呢件事同佢零責任，諗住賠一半就拍拍囉柚當冇事！真心呢啲解決方法好差，咁樣做生意真係完全唔得，事後仲可以當冇事發生過繼續食呢行飯」。
另有網民留言指自己曾經中伏，「我都係苦主，合作完，成間公司專業操守好有問題！！我哋俾咗錢，仲一肚氣」、「客人提出相片風格，佢無理。我婉拒ot收費，佢竟然反怒客人態度有問題。全程我都以禮相待，反而做生意嘅佢，收咗錢仲出氣落客人度」、「我係big day前3個鐘先話黎唔到，個陣係凌晨4點半。根本連搵既時間都冇，之後一d跟進都冇，我一日唔出聲佢都唔會覆」、「我big day最後悔就係搵咗佢影，你係不幸之中既大幸。啲相全部歪歪斜斜低炒又有91面咁」、「好驚訝原來仲有咁多受害人。朋友前年都俾佢No Show，大家都超級崩潰，之後佢臨急派第2 team人嚟，仲錯過晒朝早吉時。唔再追究但唔代表認同你失職失德。」
收藏
取消收藏
分享
