【點新聞報道】明星足球隊旗下跳唱組合「老六兄弟」日前到電台接受薛家燕《開心大派對》節目錄音，6位成員包括衛志豪、莫家淦、張智軒、潘梓鋒、羅鈞滿和伍偉樂在錄音室受訪途中，譚詠麟（阿倫）突然驚喜現身，家燕姐把握機會問阿倫和陳百祥（阿叻）是否不和，導致明星足球隊分家。
阿倫在節目上多次提起阿叻，薛家燕追問阿倫：「聽聞明星足球隊分咗兩隊？」阿倫直認不諱：「真係有呢件事，空穴來風必有因。（兩隊作風不同？）出面啲人成日都問我係咪同阿叻唔啱？點會唔啱呀？幾廿年朋友，唔會為咗呢啲嘢；不過當日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒！」
阿倫直言覺得同阿叻風格有少許不同，「因為佢比較肉緊啲，我哋比較嬉戲啲，大家睇法唔同；全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定，我都希望佢做到自己鍾意嘅，其實我哋私底下仲有見面，過年都有講恭喜發財。」
（點新聞特約記者陳惠芳報道）
收藏
取消收藏
分享
