【點新聞報道】正所謂「貨比三家不吃虧」，但有港男卻貪方便貪就手，在一間電腦舖用$298買了一條3米LAN線，豈料被朋友告知該條線平時只係賣$30，「而家係貴咗10倍」，於是立即聯絡該舖，但對方講明「貨物出門恕不退換」。慘成大冤頭的港男擔心「返屋企一定比老竇鏟到上天花板」！
有網民在連登討論區以「朋友買條LAN線唔知價買貴咗少少返屋企比人Ｘ到PK」為題發文，他的朋友被老竇分咐買一條3米LAN線，於是便到觀塘一間舖頭問下，在店員推介下花了$298買了一條線，「店員問佢係唔係1000M用，叫佢買條靚啲，畀俾咗條牌子係 Eight嘅3米Cat6，收$298。」港男當刻沒有格價就畀錢，「諗住一條線貴極都係相差幾十percent啫」。
然而，當樓主告知該條線平時只係賣$30時，當堂嚇窒「直至我見到單，再話佢知條線平時只係賣$30，而家係貴咗10倍，佢好Ｘ驚，仲話返屋企一定比佢老竇鏟到上天花板。」港男曾經嘗試聯絡舖頭，但對方回覆「係啊，我哋賣緊$298」，仲話貨物出門恕不退換。
樓主非常擔心友人的處境，「今日已經搵唔到佢喇好擔心」，遂問網民「可以點樣幫佢呢？」。不少網民揶揄「智商稅」、「就算係耕田既人去街市買野都識得格價啦」、「自己唔搵資料，咁唔錫d錢，就買怪得邊個」、「無咩可以做到，明買明賣」、「同佢講當買個教訓，下次記得格下價。」
另有不少網民指責該店食水深，「唔格價最多買貴少少啫，十倍真係太撚癲」、「生意差摺埋唔好怨自己攞嚟」。
收藏
取消收藏
分享
稿件由上傳 · 文責自負 · 不代表本網立場
