【點新聞報道】最近有一名港男到九龍塘又一城用膳，可見福州炒飯售價高達172元，1支可樂則索價30元，連同茶錢和加一服務費，總數為229.9元。帖文引起網民熱議，「福州炒飯？改1個字貴好多」、「當人水魚」、「汽水都收$30，搶錢」。不過，樓主則覺得ok，認為「值值哋」，指「佢個炒飯底係有水準嘅」、「其實仲有2隻帶子喺入面」。
該名港男在fb群組「香港茶餐廳及美食關注組」發文表示「夠膽去到呢個價錢，梗要叫嚟試吓啦！」，從其上載的收據和食物照片，可見本月7日晚上近9時，他前往九龍塘又一城1間食肆用膳，茶位7元，福州炒飯172元，支裝可樂30元，連同加一服務費，總數為229.9元。
帖文引起網民熱議，「福州炒飯？改1個字貴好多」、「噚日食咗個差唔多料嘅福州燴飯先55蚊」、「當人水魚」、「又茶又汽水，仲要淨食一碟飯、200幾蚊，十分onＸ」、「有瑤柱絲，冬菇，蝦仁，菜芯粒。都OK，係嗰價錢就偏貴。最Ｘ街係加一收費！」。亦有網民收費可以接受，「又一城差不多啦」、「百貨應百客，食客覺得物有所值就得。」
樓主回應網民留言時表示「見仁見智啦」、指自己成日幫襯「D野好食冇計喎」、「我鍾意呀，振興本土經濟萬歲」，認為「成班友1味剩係識得講粗口鬧人，又或者用自己個價值觀去衡量人哋，你哋覺得唔抵or比人搵笨實，但其實我覺得ok喎，無論係廚房師傅水準同埋成個環境舒適方面」。有網民遂問是否值回票價，樓主笑言「值值哋」，「佢個炒飯底係有水準嘅」、「其實仲有2隻帶子喺入面」。
另網民驚訝可樂的索錢，「重點其實係支可樂貴」、「汽水都收$30，搶錢」、「可樂都夠膽收$30，要一滴一滴試真d」、「可樂係咪唔同啲？」、「30蚊汽水有無覺得好飲咗」、「30蚊可以買8罐」。
收藏
取消收藏
分享
稿件由上傳 · 文責自負 · 不代表本網立場
