【點新聞報道】的士司機與乘客之間不時因找續發生爭執，近日有港男在網上大呻，指日前乘搭的士時，司機將4毫車資尾數當1元收取，當時咪錶顯示車資為36.4元，於是他先後遞上100元紙幣和4毫子，司機卻只找續63元，怒指「點解的士司機可以成日明目張膽咁抽？」。帖文一出，有人鬧亦都有人撐，有人認為小題大作、有人認為數目要均真，你又會撐哪一邊呢？
該名港男在網上發文憶述，當日早上乘搭的士，當抵達目的地後，咪錶顯示36.4元，司機立即表示「37元呀」，樓主則先後遞上100元和4毫子，「我比$100你，等等仲有4毫子（拎緊4毫）」。然而，司機卻回應「找你$63」，樓主反指「我畀咗4毫子你」。司機旋即嗆聲反問「咁啫係點？唔識找喎，你幫我計埋」、「（找64元）係咪咁呀？都未試過咁找錢」，樓主反駁「你依家咪識」。
樓主氣憤地表示「我返工都唔會抽人水，點解的士司機可以成日明目張膽咁抽？」。有網民認為「收齊頭」是許多司機慣常做法，反嘲笑樓主「幾毫子都斤斤計較，樓主你咁都開po 唔驚俾人笑?」、「咩人仲會帶毫子出街」、「搭巴士啦你不如」、「八達通一嘟就得啦」。
不過，亦有網民撐樓主的做法，「4毫子唔係錢？」、「四捨五入仲可以接受，4毫子都當1蚊？」、「麻煩公平少少，跟錶找錢」、「唔好怪人點解坐Uber，貴少少但係明碼實價」。
收藏
取消收藏
分享
稿件由上傳 · 文責自負 · 不代表本網立場
