【點新聞報道】被警方通緝、涉嫌違反香港國安法、棄保潛逃加拿大的前「香港眾志」成員周庭，日前重開網上專頁，話經營網上頻道算是屬於自己的寄託和人生目標。不少網民揶揄「出嚟呃錢喇」、「正正經搵份工打好過啦」、「同tommy仔一齊合作出片啦……同道中人，佢都係拍下片叫人課下金咁囉，都要搵食㗎嘛！一定有信眾畀錢你使」。
周庭日前重開在社交平台Facebook的專頁，透露幾年前「出冊」後不久，考慮到安全，把這個專頁隱藏了，直至她到埗加拿大、宣布不回港、重開YouTube頻道後，仍沒有重啟專頁的念頭，但知道部分人沒有使用Instagram的習慣，因此決定再次開放專頁，期望讓更多人了解現在的她。
周庭在帖文中指，這兩年在生活重心除了讀書，就是經營網上頻道，變成了一個每天洗澡吃飯上廁所都在思考「下條片拍咩」的人，開始擁有一些真正屬於自己的寄託和人生目標喎。最後文末終於露出狐狸尾巴，話「YouTube頻道是我努力的成果，所以也希望大家多多支持和訂閱頻道呢～」。
不少網民見佢蒲頭都留言揶揄，「開番緊係等錢使」、「出嚟呃錢喇」、「通緝犯扮乜可憐」、「正正經搵份工打好過啦」、「呢D係人生目標，都好失敗」「又想出來呃飯食 不過呢個世界大把蠢才嘅」、「有班傻仔科金」。有網民更建議她與同樣靠黃上位嘅「奀星」阮民安合作，「同tommy仔一齊合作出片啦……同道中人，佢都係拍下片叫人課下金咁囉，都要搵食㗎嘛！一定有信眾畀錢你使」。
有網民留言嘲諷她「背棄首joke，自己風流快活」、「佢就風流快活，啲手JOKE就俾佢害死了」、「返嚟找數」、「返嚟自首吧」、「佢呢一世都做逃犯，玩完㗎啦」。
收藏
取消收藏
分享
