【點新聞報道】好人好事！近日一名婆婆在獅子山隧道落錯巴士，打算於公路上步行回家。幸好，一名駛經的熱心司機見狀擔心婆婆安危，於是讓她搭順風車，送婆婆安全回家。不少網民大讚樓主的善舉「香港司機榜樣」、「撐好心人做好事！」
該網民在社交平台threads發文表示，「出獅子山隧道無耐就見隧道職員行緊，心諗一定有古怪，然後見到阿婆行緊，慢車打死燈停低…好彩阿婆唔係思覺障礙而走上公路，只係睇完醫生落錯巴士站打算行路返屋企，最後送左阿婆返屋企樓下」。
從樓主上載的影片可見，一名老婦正沿獅子山隧道公路往沙田方向慢線旁邊行走，沿途亦有多輛汽車經過，十分危險，樓主見狀便減慢車速，並停車了解情況。樓主指「本身喺我前面其實仲有兩三架車一開始已經收慢咗，加上隧道職員行咗出嚟，所以已經覺得唔對路，地下一定有啲嘢留意緊，然後見到阿婆行緊」。
樓主表示，「理解到阿婆當時嘅困境嘅…佢喺獅子山隧道口早咗一個站落車，本身嗰個巴士站淨係比隧道員工上落，巴士唔係班班停，的士又唔會經過，所以佢話截唔到車迫於無奈行出去，佢都知有危險。我可能自己都會咁做」。樓主最後寄語「存好心，做好事，希望幫到身邊人可以健康生存」，他又感謝後面一眾司機的忍讓。
不少網民大讚樓主的善舉，「你真係好好人，多謝你嘅善舉」、「香港司機榜樣」、「人生真係好短，做一些好人好事，一定要讚！」、「撐好心人做好事！」、「好彩有你咁醒目又熱心幫助婆婆，好人好事必有福報!」、「你令我諗起『老吾老以及人之老』」、「日行一善，此間有你真好」、「社會健康和諧」。樓主則謙虛地回覆留言，表示「世界上仲有好多好人，我做嘅嘢只不過係微塵中嘅微塵，微不足道」。
收藏
取消收藏
分享
