【點新聞報道】年度國際影壇盛事「第97屆奧斯卡頒獎典禮」圓滿落幕，電影《阿諾拉》（Anora）一舉奪得五項大獎成大贏家，可是賽果似乎不合大眾預期，當中導演谷德昭在社交網發文指：「真係唔識欣賞！」
《阿諾拉》是部低成本製作，但能一舉拿下五獎包括最佳電影、最佳導演、最佳原創劇本、最佳剪接以及最佳女主角，成為是屆奧斯卡最大贏家。其中年僅25歲的女星米姬麥迪遜（Mikey Madison）憑藉電影擊敗大熱門狄美摩亞，爆冷首獲提名便封影后。
導演谷德昭在頒獎禮數小時後發文直言：「真係唔識欣賞！唔明點解周圍拍爛手掌，仲攞埋奧斯卡最佳電影、最佳導演、最佳原著劇本、最佳女主角，搔晒頭。最佳電影喎！套戲有咩大或小道理想講呢？我真係睇唔到。唯一諗到嘅得獎原因係套戲拍咗幾嚿水美金，好抵拍，又係好獨立吓嘅獨立電影，大概係荷里活資方的一聲悶哼，向收緊幾億幾千萬酬金的大支嘢台前幕後嘅一份致意。你哋班大卡士可以喫蕉了。」
該帖文亦引起網民和議，有網民留言：「我都想知，仲以為你會有答案！」「《Petty Woman》現實版，但真係唔識欣賞。」「故事老套到震。」
（點新聞特約記者陳惠芳報道）
相關報道：
（有片）奧斯卡2025｜主持人落力講中文 中國網友：一句都沒聽懂
收藏
取消收藏
分享
稿件由上傳 · 文責自負 · 不代表本網立場
