【點新聞報道】公屋戶要小心！有港男在網上發文指，屋企大閘門柄位置被人綁上黑色繩，遂向網民求助，「跪求有無脆大神可以解答到我」。帖文引起網民熱議，不少人估計是有賊人「踩線」做記號，建議樓主找保安及在門口裝閉路電視。
一名居於公屋的港男在社交平台threads發文表示，回家發現門口大閘門柄被人綁上黑色繩，「好似橡筋繩嘅質地」。從相片見到，黑色繩綁在大閘門柄中間，樓主不明用意何在，遂向網民求助，「跪求有無脆大神可以解答到我」，更直言「好X驚，我想平平安安過日子」。
帖文引起網民熱議，不少人估計是有賊人「踩線」做記號，「樓主屋企俾人踩線，快啲整走條線」、「可能係爆竊匪徒嘅暗號」、「小心爆格」、「好快就有人幫你搬屋」，建議樓主找保安及在門口裝閉路電視，「即刻同保安講聲先門口擺個cam（做樣都要）」、「去買返個閉路電視裝係屋企門口」、「裝啲有cam嘅門鈴，一物兩用。好似可以喺手提遙距睇到，仲可以有儲存功能，之後有人停留唔知幾秒定咩指令，自動cap低人樣」。
有網民分享類似經歷，「踩線，返設轉頭睇俾人拆咗未，試過俾賊人剪鐵閘，大門對防煙門，我去咗樓下超市買嘢，幸好對面屋條狗吠，佢主人一望有賊，就叫老公，個賊走咗，閘鎖已剪開」、「我屋企門口試過比人貼貼紙，圓形一粒，跟住我爸仲話係隔離左右啲細路多手，個日我唔舒服冇返學，我媽冇返工，我哋兩個就聽到有人搞我哋個閘，因為有人我哋會反鎖，我媽即刻走入廁所打比管理員，管理員上嚟見到佢佢即刻跑去防煙門度走，不過佢唔好彩個隻門跑到落地下都係大堂管理員對面出返嚟，佢就咁比樓下個保安捉住，後來警察話佢地踩過線先貼貼紙，知道我地日頭會冇晒人，我後來先見成條巷三家人都貼咗，所以佢知冇人會開門好放心慢慢開鎖」。
不過，有網民認為並非踩線，「我就會排除因為係都唔會咁明目張膽綁記號喺握手嘅，我估係房暑近排捉啲空置單位好緊」、「踩線會唔會咁顯眼，有冇啲關係唔好的鄰居，明就明，唔明就算」。
收藏
取消收藏
分享
