【點新聞報道】阮兆祥、梅小惠、江欣燕合作拍攝節目《友乜唔講得》，今晚（23日）播出的第五集嘉賓是薛家燕。
家燕姐坦言當年復出拍劇前，因為婚姻出現問題，曾四出搲撈，涉獵行業包括地產、保險及婦女資訊節目主持，可惜沒有一次成功，皆因大家都不相信家燕姐要找工作。她復出接拍的第一部劇集《真情》並飾演好姨，家燕姐指是獲珍姐邀請加入劇組，並直指好姨是其人生轉捩點：「佢出場時係奸角嚟，但估唔到啲人鍾意。我拍咗兩個星期度，我個call機就未停過，剪綵、登台、拍電影（係咁嚟），《食神》都係嗰時搵我嘅，啲廣告多到不得了。」家燕姐又大爆當初簽好姨只簽了30集，期間友台向家燕姐招手拍處境劇，並開出一個當時家燕姐覺得是相當高的價錢：「人工爭好遠，比無綫多好多。（有冇三倍？）佢係50集畀一大嚿錢我。」不過，家燕姐飲水思源，更說：「其實冇好姨呢個角色，我又點會有今日。」
童星出身的家燕姐，當年與馮素波、沈芝華、陳寶珠、蕭芳芳、王愛明及馮寶寶結成「七公主」。又笑指自己在「七公主」中的綽號是「鬼揸五」。三位主持斗膽問家燕姐會否選擇再婚，家燕姐斬釘截鐵答完「唔會」後，更突然爆出一句「我費事人哋畀人情！」令小惠忍不住感嘆：「我真係畀家燕姐笑死。」
（點新聞特約記者陳惠芳報道）
收藏
取消收藏
分享
