【點新聞報道】有奄尖大叔大鬧銅鑼灣大坑一間車牌行，不滿車牌被整到「8字歪咗」，老闆現場度尺證明「完全齊整」，但大叔仍用間尺逐寸度，不斷挑骨頭，老闆最後以一絶招逐客，搞到「只手指尾就仲滴緊血」。
涉事的車牌行19日在其官方Facebook專頁，以「呢個是人渣黎」為題，發表逾千字帖文，怒斥該奄尖客，指該大叔客人是車牌行隔鄰車軚舖介紹，一星期前來整一個全新的車頭車牌，當日大叔來取車牌。「（車牌行的）師傅幫佢將佢車喉嘅膠紙清潔好，大約15分鐘後，師傅帶埋只新嘅頭牌，同呢個男人入嚟就話：『呢個老闆話個8字歪。』」
老闆再用把間尺，拍住T字個頂度齊：「完全齊整喎，成一條直線咁。」大叔「又冇嘢講5秒」再挑剔：「個8字個空格太闊！」老闆拿出香港法例指示圖給他看：「香港法例佔車牌空格，最少系55mm距離，呢個系下限嚟㗎。」老闆提議說，客人不滿意可以退錢，卻遭到大叔的再度攻擊，「你咩態度呀而家，咁差態度！」老闆娘這時將全數340元退回給大叔，「之後，我立即將呢個新嘅車牌，當佢面搣爛佢（可惜就系割咗只手指尾塊皮出嚟，妖）。」
老闆即時下逐客令，但大叔不依不饒，表示會去消委會投訴車牌行，並指「拆咗我只牌唔幫我裝返」，老闆這時取出膠紙出去幫大叔貼回舊車牌，但大叔仍「賴死唔走不斷鬧」，最後老闆唯有大聲用粗口轟走他。老闆最後無奈說：「其實我都唔知佢想點樣，嗰個牌靚過佢原本嗰個好多，亦都好少有咁齊整，唔知點解佢要咁樣留難我哋。」
不少網民留言同情車牌行老闆被麻煩客刁難「佢個八字就真系歪啦」「系見到佢都變八字眉」。有網民又懷疑男子刻意挑剔可能「系想r着數啫」「真系咩人用咩車牌」。
收藏
取消收藏
分享
