【點新聞報道】鄧麗欣（Stephy）今日（12日）出席《Chloé Atelier des Fleurs 香港藝術展覽》活動，並在現場展現自己的畫作。對於今日是中國「情人節」元宵節，她自言日日都是情人節，沒特別安排。
Stephy下月紅館開唱，被問到西方情人節將近，有何安排？她說：「計劃就係做gym，情人節唔記得咗，個心裏面全部都係排舞，咁就天天都是情人節。」至於有否預料男朋友情人節送花，她說：「今日未收啊！你提醒咗我陣間打個電話。」
Stephy又言演唱會籌備時間所剩不多，還要為藝術節及電影宣傳，被問到會否在演唱會中展現小蠻腰，她笑言：「平時都有，我同造型師聯繫緊，冇理由乜嘢都騷，再決定去騷邊一part比較多。」談及新歌《不可得》獲網民大讚似王菲《開到荼靡》，Stephy說：「好多人都覺得有啲似，其實我自己都覺得有啲似，亦都好私心好鍾意《開到荼靡》呢一首歌，可能真係因為由細到大聽，潛移默化想做類似嘅歌，但做歌時其實無此想法。」
提到網民指演唱會有望能邀請傅穎擔任嘉賓，到時合唱《親朋勿友》會破百萬點擊。Stephy說：「係咩？喺邊度睇到㗎？我有留意大家想唱啲咩歌，諗歌單嘅時候都諗到好頭痛，大家想聽邊啲歌，又或者未必唱過好多次嘅歌，我都有聽到意見嘅，但呢首歌《親朋勿友》反而冇聽過。」她透露已經落實了嘉賓，但暫不公布。
（點新聞特約記者陳惠芳報道）
相關報道：
收藏
取消收藏
分享
稿件由上傳 · 文責自負 · 不代表本網立場
