【點新聞報道】唔少港人移民前都話馬死落地行，往往是說來容易，做時難。一名移英港媽在社交平台發文話，移民一年，老公終覓得一份超市工作，不過就日呻夜呻，話一個星期返六日工好辛苦，最終搞到港媽情緒病發作，埋怨當初是老公提出要移民，去之前話自己咩都肯做，而家返2星期工就係咁呻。
該名港媽在社交平台threads發文表示，「移民咗1年，老公量地咗大半年終於搵到份超市工做咗2星期，個老闆依家編佢返一星期6 days，老公覺得好辛苦唔想，係咁同我呻唔想做6日」。港媽當堂唔識畀反應，問網民「我應該點樣畀比反應先好正面，同係正常人反應？」
港媽直言感到「好無助同無奈」，她提到自己移民後有嚴重情緒問題，只可以做到獨力照顧小朋友同家務事，但無能力負擔到顧及其他人的情緒，「無事幹我係好平靜只係焦慮同悲觀，但有事情發生(9成出自我老公)，我就會發作」。
港媽埋怨老公放負，「係老公提出要移民，去之前話自己咩都肯做，後生時咩都做過好有意志力」，然而移民後又另一回事，「今次返2星期工又係咁呻... ...仲話佢要返工我喺屋企唔使做」。
港媽表示自己移英前，在香港有外出工作，因為老公話移民先辭職。她指，移民後無工人，家中大小事務都由她一手包辦，「基本上，小朋友所有嘢同屋企嘢我都handle到，移民無工人就預咗要有1個人喺屋企㗎啦」。她亦指出，事實上，屋企經濟唔容許長期唔工作。
有網民就留言「做超市都呻辛苦？唔捱得又無錢學人移民？笑咗」、「冇錢冇能力怕辛苦，老婆有精神病又有細路要養，仲要喺異地冇人冇物人生路不熟，攪到咁惡劣究竟為乜」、「咁奇怪嘅…唔想咪同老闆講囉」。
收藏
取消收藏
分享
