【點新聞報道】搭巴士上車時最怕手忙腳亂，有網民日前於社交平台發帖，指自己乘搭巴士S1線時，在東涌站上車拍八達通卡卻發現餘額已用盡，遂想改用以信用卡電子付款。惟巴士司機此時向事主大喊「唔駛你俾啦！唔駛你俾啦！阻Ｘ住曬！」，事主不明白司機為何如此小事就失控，在堅持付費後再事後向巴士公司投訴。
該名網民日前在fb群組「香港突發事故報料區及討論區」發文講述事發經過，指「2月5日早上乘搭巴士S1線由東涌去機場，在東涌站上車拍八達通卡時，發現餘額已用盡，所以想改用信用卡機付款，使用途中司機突然失控大喊『唔駛你俾啦！唔駛你俾啦！阻X住曬！』」事主為免阻巴士運作及阻礙其他乘客，於是站到一旁，無跟司機爭拗，只是平淡回了句「唔駛講粗口」。
事主等乘客入車廂，巴士順利開出後，再嘗試到信用卡機前付款，惟依舊未成功。巴士司機再度向事主表示「話咗唔收你錢，你咁執着做乜！？」。事主指自己為免任何言語刺激這位情緒不太穩定又駕駛中的司機，再度平淡回了句「我唔想有任何法律責任」，最後成功用支付寶付款3.7元車資。
事主直言「不明白司機為何如此小事就失控，尤其S1有接載大量旅客。還有會研究司機是否兩度教唆我盜竊」，其後更新帖文指已經網上向巴士公司投訴。
帖文掀起網民兩極反應，有人為巴士司機說情「唔收你錢仲要比你公審」、「有免費車搭唔好咩？醒少少」、「個司機都開到聲唔使你俾，點解你仲咁執着俾錢，仲有講粗口唔一定態度差」、「其實佢大聲未必鬧你嘅」、「可能助語詞，佢哋比較粗魯姐，我覺得」、「體諒下佢做機場線」、「S1真係好多人搭，人龍排到地鐵站門口，體諒下司機工作壓力」。
有網民則支持事主的處理手法，「你處理得好好喎，佩服」、「你覺得自己有道理就去投訴」、「現在巴士有多個cam，投訴會看片有真相。」另有網民提到巴士司機是可以酌情處理，「之前新聞有巴士公司代表講過，帶唔夠錢可以下次俾返」、「司機係可以酌情免收你車資, 呢個係道路交通條例列明的(只要你唔係有心唔想比錢)但佢態度係差啲」、「現在巴士有多個cam，投訴會看片有真相。」
收藏
取消收藏
分享
