【點新聞報道】新年流流大吉利是！有打工仔發文呻新年收到老細畀嘅「吉利是」，直言「收咁多年利是未試過」。帖文引出有相同遭遇的網民，有人表示收到金莎朱古力、祝福語寫住耶穌愛你，甚至索性不派開工利是。
該名打工仔在fb群組「相聚一刻70/80/90後。香港人每天開心吹水區」發文，表示「真係收到封吉利是，仲係老細比嘅」，稱收利是多年從未試過，「而家O嘴兼笠水」。從上載的照片所見，利是封內空無一物。帖文引起網民熱議，「畀吉利是仲衰過唔派，所以應該係無心之失，睇開d啦」、「可能有難處呢！」、「同佢講返，可能唔係佢自己親自入利是，或者夾錯咗…..」、「應該封嗰時出錯...」。
另有不少網民分享相同遭遇，「我今日都收到一封，大吉利事」、「我噚日都收到過一封，真係大吉利是！」、「N年前，我試過某部門主管，唔知咩理由（好似係基督徒，定係唔同意派利是這習俗），每封利是裏面，只放一張紙，上面寫住祝福語）」、「以前返工收過客畀，入面得張紙，寫住耶穌愛你」、「真係大吉利是，有年我收到兩封吉，嗰年由年頭黑到年尾，病到入醫院」、「唔知特登定係冇心，不過你絕對唔夠我老細Ｘ街，派金莎唔派利是，$20都唔派」、「你咪算好囉，畀個利是封你，我老細直程連利是封都冇一個」。
有派利是一方的網民就留言，指「我試過派開工利是，但比幾個人話入面無料，好彩收到嘅人同我哋講返，一查之下，原來係我哋被工人偷咗利是入面嘅錢，再放返個利是封入去，所以我覺得係無心嘅多，建議你最好同返對方講聲」、「我每年入利是都好擔心入漏，所以入完我會再每封睇一次」。
收藏
取消收藏
分享
