乘客強登小巴自製「企位」　司機超載照開車捱轟

【點新聞報道】小巴上竟然出現企位？！近日有網民表示，在西九乘坐小巴時，有乘客罔顧法例及安全，公然強行上車，站在車上變「企位」，小巴最終在超載情況下開車。事件引起網民熱議，「黐線咩，撞車有意外，保險唔賠，應該即埸打999喇，叫司機停車」。

日前有網民在社交平台threads發文表示，「小巴企位你見過未？好癲，啱啱喺西九上小巴，個司機已經講左得返5個位，啲家人們係聽得明，然後係咁叫佢啲小朋友老人家上車，我坐第一個單人位已經係咁X佢地+截住佢哋，完全就係蝗蟲咁衝上車」。

從樓主帖上載的照片可見，小巴後方有兩名女士正站於車道中間。樓主指，兩名女子最後都沒有下車，「不過最後死都扮無事，小巴企位」，而最後司機亦決定開車離開。帖主提到，「其他auntie即刻開聲X埋司機，話唔可以開車，話會抄低佢number報警，但個司機都唔驚嘅。」

事件引起網民熱議，「正常啲小巴阿伯唔會開車」、「多咗人上車若有交通意外保險可以唔賠，保障返其他乘客司機唔應該開車」、「好Ｘ癲喎報警啦 咁搞法出咗事保險公司會唔會賠少咗㗎」、「全車都無得賠，因為超載，保險失效⋯ 」、「報定警，叫警察下個站等」。