【點新聞報道】香港的飲茶文化，有搭枱的習慣。近日有網民在網上分享一間連鎖酒樓貼出的告示，指於茶市時段，凡一位用餐的都要統一搭枱，帖文旋即引起網民熱議。
該名網民於fb群組「香港茶餐廳及美食關注組」發帖並上載相片，可見酒樓在門外貼出告示，內容為「溫馨提示：茶市時段，凡1位用餐將統一安排搭枱」。帖文引起網民熱議，有人認為安排合理，應打入「非物質文化遺產」，「有寫明規矩，接受嘅就食，唔接受嘅去第二間，覺有咩問題」、「香港地少人多租金貴，我覺得正常安排」、「一個人用成張枱，啲櫈又坐唔晒，真係多人嗰啲來到又冇枱，下下續張等，唔理餐廳損失幾多吖」、「一個人食早茶，搭枱咪搭枱囉，使唔使咁大題小做呀，放鬆啲啦」。
提起搭枱更勾起不少人的童年回憶，「細時同父母飲茶，何嘗不是一張大枱用枱布卷一下做分隔，就兩、三檔人坐」、「細個仲會詐諦將條枱布捲多啲過去人哋嗰邊」、「最愛搭枱呃水吹，又可以搲點心，食剩唔要又可以擸埋」。
不過，有網民覺得很多餐廳對單獨光顧的人士非常不友善，「我唔會去食囉，食飯食到好似受難咁辛苦為乜？」「咁唔去食囉，好巴閉咩！」「應該推動一人經濟」。
收藏
取消收藏
分享
