【點新聞報道】陳慧嫻40周年演唱會去到第四場，昨晚（25日）她請來古巨基任嘉賓，古SIR出現令現場觀眾非常興奮開心。
慧嫻表示，好多謝基仔出現，「其實呢我哋平時都係聚會嘅腳嚟嘅，我哋會傾心事嘅。你哋以為我哋『无厘啦更』，其實我地私底下係好好朋友來！」然後慧嫻問基仔，「我唔知你記唔記得，係好多年前，你同我講好想同我監製唱片。我依家想問返你，點解咁嘅?竟然對我有興趣嘅？」基仔愕然，「嘩，你記得呀？因為我有做監製嘛，呢度成萬人對你都有興趣喎！」慧嫻說：「咁呀，我想問下你，今時今日你仲想唔想同我做唱片監製?」基仔開心點頭馬上答應，兩人更於台上以觀眾作見証打手印，「下次慧嫻錄新歌就是由我監制！」基仔又問慧嫻，「你係咪要休息一陣？今晚條打底褲得唔得?我今晚我都著咗條打底褲來喎，哈哈。」慧嫻話，「今晚冇事啦！你著定嚟驚要借俾我呀？哈哈。」
到慧嫻落台底換衫，基仔就表示，他揀了慧嫻的歌曲唱俾大家聽，但監製竟然話慧嫻期待聽他唱《愛得太遲》，所以他先清唱幾句《愛得太遲》，繼而再送上他喜歡的慧嫻歌曲，《love me once again》。
(點新聞特約記者陳惠芳報道）
收藏
取消收藏
分享
