【點新聞報道】馬路如虎口，駕駛者真要打醒十二分精神！日前有網民分享自己在乘坐的士的經歷，指司機在行駛期間竟然「瞓着覺」，不但非常危險，事後更行錯路，令他有感而發「今日執返條命」，於是在網上公開事件，直言不希望再有類似情況發生。
該名男乘客在社交平台發文表示，自己和朋友在九龍上了一輛的士，當車駛至新蒲崗附近，明明在快線行駛，但司機突然減速只得時速30至40公里。事主起初都不以為意，但轉入街口後，明明前面並無車輛，司機卻再停車，「心諗的士司機少有咁禮讓喎，我望一望佢，嘩！X！司機瞓着咗」。
事主立刻叫醒司機，並向他說「乘客好危險，你條命分分鐘出事，等陣不如你停低架車休息吓！」，司機再慢慢張開眼，招手示意聽到。但未幾過多幾分鐘去到另一個路口位，的士再次停車下，原來司機再次睡着，男子說，「今次佢仲瞓得腍過上次」。
事主再叫醒司機後便一直與司機聊天，最終「有驚有險」到達目的地。然而，司機卻去錯地方，更怪責眾人當初沒說清楚下車地點。事主反駁指，「你瞓着咗梗係聽唔到我哋講邊度落啦！咁樣態度，唔係趕時間，一早call Uber啦！」
事主在帖文中表示，「香港人工作忙，生活壓迫，我明⋯⋯但你咁揸車瞓覺，仲夠膽死調返轉，怪我哋冇講清楚地點，你真係瞓醒未？唔該，唔好害已害人。」他又說，因自己太趕，沒有拍下車牌名司機名字，只可公開表揚的士服務質素，不想到時「撞死人、害死乘客、撞死你自己」，亦奉勸大家出門小心。
事件引起網民熱議，「香港搭的士真係好危險」、「呢啲真係要報警，費事害死下一個乘客」、「希望佢唔好再做，乘客同路人都好危險」、「俾我就棄車，原位叫過第二部車」、「第一次叫佢就要落車啦」、「識停低瞓咪好彩囉」。
另有網民猜測司機可能身體不適，「佢似有病多d」、「司機可能有睡眠窒息症，突然瞓咗佢自己唔知」，「有可能係唔舒服，好彩你哋冇事」、「糖尿，食完飯血糖高容易恰着覺」、「呢份工如果唔舒服建議在家休息。否則真的害人害己」。
收藏
取消收藏
分享
