【點新聞報道】近期移民外地港人回流的情況趨普遍，對於他們重返香港職場，就在網上掀起網民兩極反應。有人斬釘截鐵話唔會請回流人士，原因為是「去嗰邊份工都搞唔掂要返嚟，適應能力真係有限公司」，不過有人則傾向請回流人士，「因為佢已經知香港比較適合自己，會穩定啲不會咁易辭職」。
有網民在社交平台threads發文表示，朋友的市場推廣公司招聘時，多了回流的申請者，如果兩個條件差唔多的人選，一個未走過，一個已回流，就傾向請回流者。對方解釋指，「因為佢已經知香港比較適合自己，會穩定啲不會咁易辭職」，樓主則覺得「聽落唔係好公平，但又好似有啲道理。」
不過，有網民持反對意見，「我做香港區主管，第一個out 回流candidate，做咩都咁容易放棄，無毅力個人亦唔係深思熟慮型，mentality 一定好低」、「我會揀唔係回流嗰個囉，第一過到去嗰邊份工都搞唔掂要返嚟，適應能力真係有限公司，第二少少嘢就即刻打退堂鼓，第時公司點敢交啲project畀你做啊」。
有網民就認為有時搵工都講緣份，舉例指「我公司都有個90年代由澳洲回流嘅，佢一做就廿幾年，剛做到退休 佢地知搵食艱難，再跳糟機會低啲」、「其實只係唔偏向得太過分，我覺得已經ok㗎喇」。
有網民就揶揄回流港人根本是「敗走」，「六年未夠就返香港嗰啲唔係回流，係敗走」、「千祈咪請呢D，完全養唔熟，好快搞死你間公司」、「回流得都已證明係廢物一個唔使選啦」。
收藏
取消收藏
分享
