【點新聞報道】海鮮加工去到餐廳要問清楚價錢，一名港女近日在社交平台大呻在屯門三聖邨吃海鮮時，懷疑被劏，購買了2斤多的龍蝦，到餐廳後竟被收取3斤的加工費，直斥「那是欺騙！」有網民狠批「擺明係呃」，但亦有人認為價格合理。
該名港女在小紅書上以「大家自己看，香港三聖邨不誠實的海鮮酒家」為題發文，指自己一行6人在屯門三聖邨一間海鮮餐廳食晚餐，預先購買了龍蝦、象拔蚌、蟹、蜆等多款海鮮，然後交到餐廳加工。從事主上載的收據所見，埋單合共$2,277，其中芝士龍蝦標明3斤7兩，加工費$467.5。
惟從樓主上載買海鮮的手寫單據可見，當中寫明購買「南澳」龍蝦2斤13兩，即餐廳疑在加工費上收多約10兩的價錢。樓主發現後與餐廳理論，但對方堅稱無錯，「佢堅持話佢自己個磅冇錯」。樓主不滿批評：「芝士焗龍蝦冇芝士冇焗爐，購買兩斤龍蝦，收三斤加工費……收得貴，是預算之內！兩斤龍蝦收三斤加工費那是欺騙！」
帖文引起網民熱議，有人鬧爆該餐廳是「黑店」，「呢啲地方割水魚」、「齊頭都算，咁就擺明係呃」、「香港西貢、鯉魚門和三聖邨都是鱷魚潭，本地人都不會去的」。不過，亦有人認為價格合理「6個人才吃了二千多，這麼便宜你仍然有投訴」、「如果你覺得加工費收貴了，就要在付款前問清楚」。
收藏
取消收藏
分享
