【點新聞報道】踏上了異國的土地，隨着環境的改變，有移英夫妻感情轉淡，導致婚姻變質。有移英人妻在網上發文指，與丈夫移民英國4年後感情生變，自言感覺與獨自生活沒有分別，幾乎所有問題都是自己解決同面對。而最令人妻心淡的原因是丈夫的冷漠態度，「當我情緒低落、心情崩潰時，他總是會不耐煩、不願陪伴、不願耐心聆聽」。人妻慨嘆「移英本期望係新開始，可惜大家(夫妻)卻越行越遠」，並hashtag了「英國離婚」。
該名移英人妻在網上發文講述夫妻移英後的生活和相處，她指移民是兩人的共同決定，「同先生移民英國4年，買咗屋，買咗車，冇小孩，我倆都有份穩定工作，生活係冇香港咁多姿多彩，但壓力比香港細，屋又比香港大，大家都冇後悔移民，但感情生活就離對方越嚟越遠...」。
人妻憶述移英後，碰到過的生活難關，但丈夫卻拒絕伸出援手，「到埗一年摸索生活感覺還好，亦好快買咗屋，搵律師做survey全部由我搞。到第二年，我哥哥一家嚟，因為有老人家，我要幫佢哋買屋兼搞埋裝修，不愉快事件便開始，大家都唔熟悉裝修，其間有同先生傾訴想佢幫下手搵資料，但佢完全唔理，咁阿哥係我家人，佢唔想插手咁我只有硬着頭皮獨自面對……當時又要返工又要學車又要搞裝修，我的確壓力好大」。
縱使發生意外，人妻哭着求救，丈夫亦置之不理，「第三年我剛剛考到車牌，喺停車場發生意外，要報保險要去警署，我徬徨之際，曾經喊住叫佢幫手，大家都唔熟呢度程序，佢完全冇理我，最後只靠自己上網搵資料兼獨自面對」。
至於人妻在工作上遇到辛酸，丈夫也懶理，只顧玩手機，「新嚟到到英國，我好好彩可以做返香港同行嘅工，不過同本地同事總有磨擦，放工同先生傾訴公司嘅事，佢每次都一路碌手機，一面不耐煩唔想聽」。人妻坦言夫妻步伐好唔一致，距離越嚟越遠，「給我感覺係佢唔願意接納我的負面情緒，同我一齊面對嘅問題」。
然而，人妻仍想修補關係，「當一切事情過去，不能共苦，咁嘗試吓有冇與趣可以共同開心吓，但奈何搵唔到」。她指，「先生只喜歡東南亞地區旅行，其他歐洲城市佢完全冇興趣，英國本地來來去去都係睇教堂、博物館等等佢一樣完全冇興趣；朋友約去跑步、踩單車、行山、露營、去倫敦、去歐洲玩...佢通通唔鍾意去，佢話你鍾意咪陪你去囉，但去到都係好掃興」，所以兩人放假都只是各自生活，丈夫在屋企佢打機，人妻則睇書煲劇。雖然，夫妻雙方曾傾過討論過，但可惜冇結果。
收藏
取消收藏
分享
