【點新聞報道】唔少移英KOL帶動風向叫人移民，有同路人睇唔過眼，在網上發文直指這些資訊低估移民後嘅生活難度及變數，從而做出錯誤決定，間接害咗人。不過，唔少網民都勸樓主慳番啖氣好過，「唔少智將都係前專業人士」、「啲友智障有乜計？」、「如果香港人咁清醒唔洗咁多人回流」。
一名移英網民近日在社交平台發文苦口婆心勸說，「無論何人，即使自己移民經驗點樣順利，例如好易搵工，順利買到屋，外國天氣好，生活舒適等等，都唔應該過份高調及強調，否則好易令一啲人，低估移民後嘅生活難度及變數，從而做出錯誤決定，間接害咗人。」
樓主更挑明當中的誤導成份，「呢啲一味講移民生活點樣容易點樣美好嘅人，一定唔會講佢哋帶咗幾多錢移民，但呢樣先係移民生活嘅極大關鍵。所以決定移民前，一定要睇移民的地嘅大環境，以及自己嘅情況，唔好盲目跟從其他人嘅自身經歷。」
雖然樓主講得中肯，但唔少網民都潑冷水指，「人哋靠拍YouTube搵食，唔使打工，甚至連接觸外國人嘅時間都唔多，然後你要去做倉做收銀做售貨員，根本係兩個世界，自己唔識用腦分析中咗伏怪得邊個」、「嗰啲白卡寫嘅嘢，每一句都難聽過粗口」、「唔少智將都係前專業人士，一個二個話啲錢燒得好快，但又搵得唔多，搵唔返」。
收藏
取消收藏
分享
稿件由上傳 · 文責自負 · 不代表本網立場
