【點新聞報道】燒賣是香港街頭美食代表之一，近日有網民分享在山頂凌霄閣小食店出售30元三粒燒賣，「天價燒賣」旋即引起網民兩極反應，有人認為「遊客區不嬲貴」，明買明賣無人強逼，但有人則批評該店「食水深」。不過，之後有目擊的網民透露另有真相。
該網民在fb群組「香港茶餐廳及美食關注組」發文，貼出山頂凌霄閣商場一小食店的標價，可見傳統燒賣售價「$30／3件」，另外碗仔翅則50元一碗，寫道：「香港嘅經濟係靠呢班，來食燒賣魚蛋嘅羊牯」。
帖文旋即被轉載到其他群組，引起網民熱烈討論，有網民認為山頂遊客區貴一點也沒有問題，「明碼實價，又冇錯，只是有冇人買一件事」、「遊客區不嬲貴」、「無嘅，自由市場，你可以選擇買定唔買」、「咁山頂預左貴㗎啦，又唔係第一日係咁」、「正如去酒店飲杯可樂幾十蚊咁」、「山頂租都貴啲啦」。
有網民則批評店家「食水深」，「呢個價錢，好過去搶」、「堅離地」、「癲價」、「老襯亭梗係搵老襯㗎啦」、「食嘅喺風景抵俾啦」、「咁唔怪之得啲香港人上晒大陸消費啦」。
不過，有目擊的網民透露另有真相，直言「要還呢間舖一個清白」，指「其實我嗰日有見到，人哋係30蚊3粒嘅酒樓燒賣，隔離有個牌寫住20蚊10粒魚肉燒賣」。樓主明白是誤會後，表示收回「水魚」、「羊牯」的評語，「喂！擺好個牌喇！搞到誤會就唔好啦。我收返水魚，羊牯兩個詞語喇」。
收藏
取消收藏
分享
