【點新聞報道】古淖文「I'm Home」演唱會香港站首場已於昨晚 (11日) 在麥花臣場館舉行，全場爆滿。周梁淑怡、何麗全、韋綺姍、周國豐、張佳添均是座上客。
German說：「真係冇諗過喺半年時間就可以開第二次演唱會，雖然主題都係叫 l’m Home，但今次就係為香港做一個新嘅 show。」當大螢幕上播出 German 去年於《中年好聲音2》的奪冠片段。German 說：「我真係要好多謝呢一個節目，如果我冇參加呢個比賽，我相信唔單止呢兩場演唱會，由我得到冠軍到而家所得到嘅嘢都唔會擁有，我想特別多今晚嘅大樂隊，也多謝大家陪我哋由寂寂無名，由鹹魚翻生，到而家喺街度有人嗌得出我個名。」
在Encore環節，German說：「我要多謝嘅呢個單位真係好緊要，呢個單位係一個地方叫做香港，點解我要多謝香港？如果我真係冇踏出呢一步，鼓起勇氣再次參加比賽，大家應該唔會記得古淖文。呢首歌送俾香港，亦送俾大家，就是《獅子山下》。」唱畢此曲後，German說要特別多謝另外兩個單位：「其中一個要多謝我父母一直支持，最後我要多謝呢個人就係我自己，我好多謝我嘅任性，因為如果我唔係一個極度任性嘅人，我應該一早放棄咗唱歌。」最後German以陳蕾一曲《凡星》為首晚個唱劃上了圓滿句號。
事後German接受媒體訪問，表示開show前多健身keep fit，父母給他很高的分數並說是very good show。至於他在台上提及Haters，German說：「他們對我嘅人身攻擊已經冇乜用，由細到大都聽唔少，如果講人嗰個講完呢番說話會令佢自己心情好啲，咁佢咪講囉，我真係冇乜所謂。點樣令自己放開，真係冇乜方法，只可以硬食，調節自己嘅心理非常緊要。」German最後表示最意想不到的是周梁淑怡到場支持。
（點新聞特約記者陳惠芳報道）
收藏
取消收藏
分享
